Kurs i elektrofaga
Samlingsbaserte kurs fram til eksamen i programfag
VG2 og VG3 Automatisering
Vaksenlærling i automatiseringsfaget
Målgruppe: Kurset er tilpassa deg som har fagbrev i elektrikarfaget.
Du blir voksenlærling, og lærebedrifta di vil få tilskot for å gi deg opplæring.
Kurskostnad blir dekka av tilskotet.
Antal plassar: 16
Tidsrom:
Kurs i januar 2026-mai 2028 er fullbooka.
Neste kurs
Januar – mai 2028: 5 fysiske samlingar à 2 dagar
Mai 2028: VG2 eksamen AUT2102
Januar – mai 2029: 5 fysiske samlingar à 2 dagar
Mai 2029: VG3 eksamen AUT 3103
Kurset er i utgangspunktet for å støtte med teoriopplæring, men vi går gjennom ei rekke praktiske øvingar undervegs.
Programmering av pls og robot, regulering med PID, oppkopling av pneumatiske anlegg, feilsøking mm.
Ansvarleg: Lisa Marie Mo
Spørsmål eller påmelding: lisa.mo@fagopplaeringelektro.no
FOR KURSDELTAKARAR
VG2 Elenergi og ekom
Teorikurs for de som skal ta VG2 eksamen ELE2102
Eksamen dekkjer læreplanmål for vg1 Elektro og datateknologi og vg2 Elenergi og ekom.
Kurset med eksamen vil kvalifisere til vidare opplæring i bedrift med lærekontrakt i elektrikerfaget, energimontørfaget, energioperatørfaget, Telekommunikasjonsmontørfaget mm.
Kurset eignar seg spesielt for unge/vaksne som har gått eit anna yrkesfag eller studiespesialisering.
Samlingsbasert med ca 5-6 samlingar, oppgåveløysing i elskolen mellom samlingane.
Tal plassar: 12
Tid: Kvar haust. Vi avsluttar med vår-eksamen i mai.
Økonomi:
Lærlingar: Ved teikning av lærekontrakt vil lærlingtilskot dekkje kurskostnad.
Privatist/praksiskandidat: Må rekne med å betale kursavgift. (deltaking utan å ha lærebedrift)
Ansvarleg: Amund Sverre Tomasgard
Kontakt oss for påmelding.
VG3 Elektrikarfaget
Teorikurs for de som skal ta VG3 eksamen ELE3103
Oppstart: September 2026.
5 samlingar, to dagar kvar samling.
Oppgåveløysing i elskolen mellom samlingane.
Økonomi:
Lærlingar: Ved teikning av lærekontrakt vil lærlingtilskot dekkje kurskostnad.
Privatist/praksiskandidat: Må rekne med å betale kursavgift (deltaking utan å ha lærebedrift).
Ansvarleg: Øystein Halbrendt.
Kontakt oss for påmelding.
Læreplan
VG3 Energimontør
Teorikurs for de som skal ta eksamen EMO3103
Foto: Linja AS
Oppstart: September 2026
6 Samlingar, oppgåveløysing i elskolen mellom samlingane.
Økonomi:
Lærlingar: Ved teikning av lærekontrakt vil lærlingtilskot dekkje kurskostnad.
Privatist/praksiskandidat: Må rekne med å betale kursavgift. (deltaking utan å ha lærebedrift)
Ansvarleg: Amund Sverre Tomasgard
Påmelding
VG3 Energioperatør
Teorikurs for de som skal ta eksamen i EOP3103
Oppstart: September 2026
6 Samlingar, oppgåveløysing i elskolen mellom samlingane.
Økonomi:
Lærlingar: Ved teikning av lærekontrakt vil lærlingtilskot dekkje kurskostnad.
Privatist/praksiskandidat: Må rekne med å betale kursavgift. (deltaking utan å ha lærebedrift)
Ansvarleg: Amund Sverre Tomasgard
Påmelding
VG3 Tavlemontørfaget
Bli tavlemontør på 1 år!
Dersom ein har fagbrev som til dømes elektrikar, automatikar eller energimontør, kan du ta Tavlemontørfagbrevet med 1 år læretid. Ingen krav til eksamen.
Fagopplæring Elektro legg til rette for at lærlingen blir oppdatert i regelverk og standarar saman med lærebedrifta. Lærekontrakta utløyser tilskot.
Vi hjelper deg dersom du ønsker å bli godkjent som lærebedrift i tavlemontørfaget.
Ein fagleg leiar må ha relevant kompetanse/høgare utdanning.
Læreplanen finn du her.
Krav for tavlemontørfagbrevet:
- Du har fagbrev frå relevant VG2
For eksempel automatikar, elektrikar, energimontør:
= 1 år læretid, ingen eksamen.
- Du har fagbrev frå VG1 Elektro
For eksempel dataelektronikar, telekommunikasjonsm, ventilasjonsteknikar:
= 2år læretid + VG3 eksamen
- Du har anna utdanning/bestått fellesfag
Tømrar, allmennfag, helsefagarbeidar:
= 3,5år læretid + VG3 eksamen
Tavlemontør hos Fagopplæring Elektro:
Normalløpet i VGS er VG1 Elektro og datateknologi + VG2 Automatisering + 2år læretid
eller kryssløp til VG2 Elenergi og Ekom + 2 år læretid.
Ein ordinær lærling treng ikkje ta VG3 eksamen slik som mange andre elektrofag.
Lenker
– Intervju med ein tavlemontør
– Ordinært utdanningsløp i vgs
VG3 Ventilasjonsteknikkfaget
Eksamensførbuande kurs for Ventilasjonsteknikkfaget
Lærekontrakt
Ventilasjonsteknikar er ei ny fagutdanning innan elektrofag. Med elektrofagleg bakgrunn kan ein teikne vaksen lærekontrakt i faget med fråtrekk i læretida dersom du har relevant utdanning eller praksis. Lærekontrakta vil dekke opplæringskostnadar som eksempelvis kurskostnad i læretida.
Eksamen
Kandidaten må bestå ein teoretisk eksamen med kompetansemål frå læreplanen i Vg3 ventilasjonsteknikkfaget, før oppmelding til fagprøva.
Teorikurs
Frå hausten september/oktober 2025 vil vi starte teoriførebuande kurs i ventilasjonsteknikkfaget.
Kurset er delt mellom 3 fagområder: Ventilasjonsteknikk, Elenergi og Automasjon.
Kurset er digitalt (Teams), med unntak av første samling, og varer i 120 timar fordelt over ein kveld per veke. Kurset legg opp til tverrfagleg eksamen VEN3103.
Undervisningsmateriell
Kursdeltakar stiller med eigen PC, og får tilgang til naudsynt undervisningsmateriell på kurset.
Krav til forkunnskap
Å kunne rekne i Vg3 ventilasjonsteknikkfaget betyr å kunne utføre matematisk utrekning og vurdere resultat i samband med planlegging, gjennomføring og dokumentasjon.
Ein må kunne utføre lufttekniske berekningar i eit ventilasjonsanlegg, og kunne hente informasjon om fysiske storleikar ut av tabellar og diagram. Kursdeltakar må ha grunnleggande kunnskap i praktisk matematikk.
Relevante lenkjer for kontroll av forkunnskap:
https://www.kompetansenorge.no/test-deg-selv/
https://ndla.no/nb/subjects/subject:10d8cd69-962f-484d-8059-bbfa4239485f
Det er ein fordel om kursdeltakar har kjennskap til NEMITEKs kompetansebibliotek med Ventøk-serien, SINTEF Byggforskserien, Forskrift om elektriske lavspenningsanlegg (FEL) og Maskinforskrifta.
Kursarrangør og kursavgift
Kurset er arrangert av ODTE (opplæringskontoret for tele, data og elektro på Frogner).
Kursavgift blir dekka av lærlingtilskot dersom deltakar har lærekontrakt gjennom Fagopplæring Elektro.
Privatistar må betale kursavgift i forkant av kursoppstart.
Påmelding
For påmelding, send epost til: bjarte.heggheim@nho.no
Andre kurs
Instruktør, fagleg leiar, fellesfag mm
Kurs for fagleg leiar
Obligatorisk opplæring og kurs for fagleg leiar eller instruktør:
For å bli godkjend som fagleg leiar må du ha gjennomført del 1 og 2 av kurs for fagleg leiar eller instruktør. Kursa er obligatorisk for å vere fagleg leiar, men er like viktig for instruktøren som gjerne har den daglege oppfølginga av lærlingen. Faglege leiarar og instruktørar må, før dei kan delta på del 2 av obligatorisk opplæring (dagskurs/webinar), ha gjennomført del 1 som er e-læringskurset
Dagskurset/webinaret del 2: Kurset må gjennomførast innan eitt år etter godkjenning. Leiarar i lærebedrifter og lærarar i yrkesfag er også velkomne til å ta e-læringskurset og å melde seg på dagskurset/webinaret. Målet med kurset er å gjere dei fagansvarlege i lærebedriftene tryggare i rolla som rettleiarar for lærlingar og lærekandidatar. Del 2 av opplæringa, dagkurs/webinar blir halde av rettleiingstenestene i Vestland fylkeskommune i samarbeid med Opplæringskontoret for elektrofag.
Her kan du ta nettkurs for fagleg leiar eller instruktør DEL 1
Her kan du melde deg på kurs for fagleg leiar eller instruktør DEL 2
Kurset er arrangert av rettleiingstenesta til fylkeskommunen. Finn regionen der bedrifta di har adresse og trykk på tilhøyrande lenke for å melde deg på del 2. Du vil då bli sendt vidare til påmeldingssida for rettleiingstenesta di.
Vestland nord:
Stryn, Stad, Gloppen, Bremanger, Kinn, Sunnfjord, Hyllestad, Askvoll, Fjaler og Solund: https://vlfk.pameldingssystem.no/rlt-1-vestland-nord-kurs-for-fagleg-leiar-og-instruktor-del-2?search=
Indre Vestland:
Høyanger, Vik, Sogndal, Luster, Årdal, Lærdal, Aurland, Voss Herad, Vaksdal og Eidfjord: https://vlfk.pameldingssystem.no/rlt-4-vestland-indre-kurs-for-fagleg-leiar-og-instruktor-del-2
Instruktørkurs
Arrangør: Fagopplæring Elektro
Målgruppe: Kurset er tilpassa instruktør og går for det meste på dagleg oppfølging av lærlingen. Lærar i vgs kan også ha god nytte av dette kurset.
Tid og stad: Vi held Instruktørkurs dagen etter Fagbrevutdelinga kvart år, i midten av juni. Vi brukar å vere på Skei. Kontakt oss for påmelding eller spørsmål.
Kursplan
Praktisk handtering av lærlingen: Sjekk og tilbakemelding på arbeid og praksislogg «kva, korleis og kor ofte»
Halvårsvurdering, gjennomføring og rutine.
Melding, rapportering og handling når ting går på «tverke»
Varsling og kommunikasjon mellom montør/instruktør/fagleg leiar/bedrifta og opplæringskontoret
Førebuing mot målet: Fagprøve Planlegging Gjennomføring Eigenvurdering og Dokumentasjon (P-GED)
Oppsummering og tilbakemelding.
Manglande fellesfag
Du er lærling, men har ikkje alle fellesfag?
Då kan du få undervisning frå Vestland Fylkeskommune sin Nettskule.
All undervisning er samla til ein dag i veka, og vil ruste deg til eksamen (ein eksamen per fag, nokre munnleg + skriftleg).
Vi melder deg på undervisning.
Les meir her.
Praksiskandidatordninga
§ 23-2. Praksiskandidatar
Den som har allsidig praksis i eit lærefag som er 25 prosent lengre enn det fastsette opplæringsløpet for faget, kan melde seg til fag- eller sveineprøva som praksiskandidat, utan opplæring i skole eller bedrift. Fylkeskommunen avgjer om praksisen kan godkjennast og kan i særlege tilfelle godkjenne kortare praksis.
Du kan gå opp til fagprøve som praksiskandidat dersom du dokumenterer kravet om relevant praksis og teorieksamen.
Det er ikkje krav om å ha bestått fellesfag når du går opp som praksiskandidat.
Ulemper?
Du blir ikkje lærling, bedrifta di får ikkje tilskot for opplæring, du må formulere og dokumentere søknad sjølv, du må betale eksamensavgift og oppmelding sjølv.
Informasjon om praksiskandidatordninga, Vestland fylkeskommune.
EKSAMEN:
Du må dokumentere bestått teorieksamen i lærefaget.
I dei fleste elektrofag gjeld dette både VG2 og VG3 eksamen.
Til dømes er eksamenskode for elektrikar ELE2102 og ELE3103.
Du melder du deg opp til privatisteksamen HER.
Du finn eksamenskodar og tidlegare eksamenar HER.
Informasjon om privatisteksamen, Vestland fylkeskommune.
PRAKSIS:
Det må visast gode attestar på praksisen som seier noko om kva kandidaten har jobba med og kor lenge.
Attestane skal dokumentere kor lang praksis du har, og at kunnskap og praksis er i samsvar med kompetansemåla i læreplanen til det aktuelle faget.
Læreplanane med kompetansemål finn du HER.
Det er fylkeskommunen som skal vurdere dokumentasjonen.
Hjelpeskjema for utrekning av praksis, Vestland fylkeskommune.
EKSAMEN OG PRAKSIS ER OK?
No kan du melde deg opp til fagprøva!
Du må legge ved dokumentasjon på praksis og bestått eksamen når du melder deg opp til fagprøva.
Du melder deg opp til fagprøva HER.
Behov for tilrettelegging?
Dersom du har behov for det må du legge ved søknad om tilrettelegging og sakkyndig uttale av nyare dato.
Søknad for tilrettelagt fagprøve finn du HER.
